HPAJI HTE SENG AI LAM

    A. Hpaji Hpan Ni

    1. L.Th (Jinghpaw): Tsang shi htai ga sai ni a matu.

    2. Bachelor Janmau ni: Tsang shi awng sai ni a matu:

    a. Bachelor of Theology (B.Th)

    b. Bachelor of Arts in Theological Studies (BATS):

    i. Music hpaji madung

    ii. English laika madung

    3. Janmau langai lu sai ni a matu:

    a. Master of Divinity (M.Div): Bachelor janmau langai lu sai ni a matu.

    b. Master of Ministry (M. Min): B.Th janmau lu ngut nna, magam gun 5 ning hpring sai ni a matu.

    c. Master of Arts in Christian Studies (MACS): Janmau langai lu da sai hpung masha ni a matu.

    d. B.Min (Module): Magam gun manga ning a lahta de na ni a matu.

    B. Hpaji Hte Seng Nna Hkan Sa Shadik Shatup Ra Ai Lam Ni

    1. Credit Hour System
    Laika sharin ai hkying hkum mi ngu na aten hpe bat mi hta manit (50) masat da ai. BATS program a matu gaw minit (40) masat ai re. Aten hpring jawngma wa gaw bat mi hta nlaw htum hkying hkum 18 kaw nna 21 du hkra lung ra ai.

    2. Supplementary San Poi Hte Subject Repeat

    a. Amat (Grade) 60% � 69% (�D� level) sha lu ai jawngma wag aw 3000ks. bang nna dai amat yawm taw ai subject hpe supplementary san poi htai nna bai jahpring la ra ai.

    b. Supplementary san poi ni hpe jawng calendar hta masat da ai aten ni hta sha htai lu na. Dai masat da ai aten hta n sa htai ai rai yang, dai n htai ai subject gaw hkrat ai (F �Grade) ngu masat mat wa na re.

    c. Laning mi na jawng lung shaning ngut ai hpang bai htai ra ai Supplementary subject ni hpe hpang shaning na jawng lung shaning hta ngut hkra htai ra na. Lai wa sai shaning na supple subject ni hpe ya lung nga ai jawng lung taw ai shaning hta n htai ngut ai rai yang, hpang na jawng lung shaning hta matut lung na ahkang n lu na.

    d. Supplementary san poi ni hta C+ grade hta jan nna n mai lu ai.

    e. Subject langai ngai hta san poi hkrat ai (F-grade/59% a n pu) rai yang, dai subject hpe 5000/-ks bang nna laksan bai lung la ra ai.

    f. Supplementary bai htai ai shaloi masat da ai amat n lu ai jawngma wa gaw kalang bai kahtap na htai ra ai. Dai zawn lahkawng lang bai htai ai shaloi 5000/ks bang ra na.


    2. Amat (Grade) Jaw Hkrang

    academic regulation

    Matsing: English hte Jinghpaw Language awng masat amat gaw 60% re. 50%�60% lapran lu ai ni gaw supplementary sanpoi bai htai ra ai.

    L.Th, B.Min, B.Th/L.Th (Eng.) hte BATS program ni atsawm sha ngut kre lu na matu nlaw htum GPA 2.0 (77, C+) lu ra ai.

    1. Jawngma langai gaw subject shagu hta nlaw htum C� grade lu ra ai.

    2. Semester langai hta subject yawng a matu masat shadang nlaw htum C� grade lu ra ai.

     

    1. N Hkum Tsup Mat Ai Grade

    Machyi makaw a majaw (sh)n koi yen lu ai lam lama ma a majaw semester htum wa maga hta n lu jahkum shatsup ai rai yang, Incomplete (I) grade hpe jaw mai ai. Dai zawn Incomplete Grade lu da ai subject ni hpe san poi ngut ai hpang shata mi laman hta bai jahpring la ra ai.

     

     

    2. Rap Shara Shadang Amat (Grade Point Average)

    Rap shara shadang a mat (GPA) gaw jawngma langai a hpaji madang hpe madun dan ai rai nna dai hpe lawu na hte maren sawn shachyaw la ai re.

    A = 4.0 x course credit hours = Total points
    A- = 3.7 x course credit hours = Total points
    B+ = 3.3 x course credit hours = Total points
    B = 3.0 x course credit hours = Total points
    B- = 2.7 x course credit hours = Total points
    C+ = 2.3 x course credit hours = Total points
    C = 2.0 x course credit hours = Total points
    C- =.7 x course credit hours = Total points
    D+ = 1.3 x course credit hours = Total points
    D = 1.0 x course credit hours = Total points
    D- = 0.7 x course credit hours = Total points
    F = 0.0 x course credit hours = Total points
    I = Incomplete, and is not counted for point average
    P = Pass, but is not counted for point average.
    AU = Audit, but is not counted for point average.
    W = Withdrawal, and is not counted for point average.

    Total points � credit hours = GPA
    The grade point average (GPA) is obtained by dividing the total points by the total number of credit hours.

     

    3. Masat Da Ai Hpaji Madang N dep Ai Ni (Probation Status)

    Jawngma langai gaw semester langai hta rap shara amat (GPA) 1.6 a lawu de sha lu taw yang, dai wa gaw masat da ai hpaji madang hpe n dep ai ngu sawn la hkrum na rai nga ai. Hpang na semester hta mung GPA 1.6 a lawu de sha naw rai nga yang, dai jawngma wa gaw dai shaning ting na atan hpe bai kahtap lung ra ai (Class repeat).

     

     

    4. Jawng Jahkring Kau Lu Ai Lam Ni

    KTCS gaw lawu de na mabyin masa ni hte seng nna jawngma kadai hpe mung jahkring kau na ahkaw ahkang nga nga ai:

    a. Masat da ai hpaji madang n dep ai ni.

    b. Jawng a ritkawp tara ni hpe tawt lai ai ni hte myit hkam sha lam hpe a tsawm n lu hkang zing (myit n-gring) ai ni.

     

     

    5. Hpaji Hte Seng Nna Hpyi Shawn Mai Ai Lam Ni (Academic Appeals)

    Hpaji sharin a chyin ai lam hta myit n dik ai lam ni, myit n pyaw ai lam ni nga yang, seng ang ai sara/num ni hte jahkrup nna hparan la mai ai. Seng ang ai sara/num ni hte jahkrup nna n lu hparan ai rai yang, hpaji up hte sa jahkrup nna manghkang ni hpe hparan la mai ai lam nga ai.

     

     

    6. Hpaji Hka Ja Ai Hta Dingman San Seng Ra Ai Lam

    KTCS jawngma ni yawng gaw hpaji hka ja ai lam ma hkra hta dingman san seng ra ai. Hpaji hte seng nna n ding n man, n san n seng ai ngu ai gaw�sanpoi hta laika lagu yu ai, kaga wa ka da ai laika hpe raw kahtap ka nna tinang ka ai laika zawn masu ai lam, laika buk ni kaw nna hkan ka la ai lam hpe masat masa n madun ai lam, subject langai hta galaw da ai assignment paper hpe kaga subject langai hta mung bai tang madun ai lam ni rai nga ai. Ndai zawn n ding n man ai lam ni hpe mu jang, jawng kaw na jahkring hkrum ai du hkra ahkyak la na lam nga ai.

     

     

    7. Jawng Man Man Lung Ra Ai Lam

    Jawngma ni yawng gaw tinang lung ra ai atan ni ma hkra hta man man lung ra ai. Atan langai mi hta (2) lang hta jan nna n mai hprai ai. (2) lang hta jan nna atan hprai mat ai rai yang, dai subject hpe sanpoi htai na ahkang n lu ai. Ahkyak ai lam ni nga ai rai yang, seng ang ai sara/num (sh) hpaji up hpang de sa nna ahkang hpyi ai lam galaw ra ai.

     

     

    8. Aten Galu AHkang Hpyi Ai Lam

    Hkam ja lam a majaw, si hkrung si htan lam ni a majaw semester langai (sh) dai hta jan nna jawng gan hkring mayu ai rai yang, matsan dum lama ahkang hku nna ahkang mai hpyi ai. Ahkang lu ai rai yang, dai hkring da ai aten ladaw hpe laika sharin aten ladaw masat da ai lam hta n sawn bang ya ai.

     

     

    9. Laika Sharin Aten Ladaw Masat Ai Lam

    Program hta hkan nna law dik htum sharin la mai ai aten ladaw ni hpe lawu de na hte maren masat da nga ai:

    B.Min & M.Min a matu: 4 ning

    L.Th a matu: 6 ning

    B.Th/L.Th (Eng.) & BATS a matu: 7 ning

    M.Div a matu: 5 ning

    M.A.C.S a matu: 5 ning

     

     

    10. Major Paper

    L.Th hpang jahtum shaning jawngma yawng gaw laika man 15 kawn 20 lapran Major Paper hpe ka nna tang madun ra ai.

     

     

    11. Jawng Yu Poi Shang Lu Na Matu Ra Kadawn Ai Lam Ni

    a. Jawngma wa gaw hpaji hte seng ai jahpring shatsup ra ai lam ni ma hkra hpe myit dik ai du hkra jahkrum shatsup nna kaga jawng hte seng ai jahpring shatsup ra ai lam ni ma hkra hpe mung hkum tsup hkra galaw ra ai.

    b. Masat da ai rap shara shadang amat GPA hpe lu ra ai. L.Th, B.Min, BATS hte B.Th/L.Th (Eng.) programs ni a matu n law htum GPA 2.7 lu ra ai.

    c. Jawng hta hka n mai shakap da ai.

    d. Jawngma wa a arawn lailen, hpaji madang ni hpe sharin sara council kaw nna madi shadaw ai lam hpe hkam la ra ai.

    e. Hpaji sawk gindai kaw nna laika buk ni ma hkra hpe bai ap da ra ai.

    f. Jawngma wag aw sharin sara council kaw nna madi shadaw dat ai hte maren hpang jahtum jawng a uphkang komiti kaw nna madi shadaw ai lam hpe hkam la ra ai.

     

     

    12. Ningtawn Ai Hku Awng Dang Ai Lam

    KTCS hta nlaw htum lahkawng ning a lahta de lung la ai jawngma langai gaw lawu de na rap shara madang amat (GPA) lu ai rai yang, ningtawn ai hku awng la ai lam re hpe masat masa galaw ya nga ai:

    3.5 � 3.6 GPA merits graduation with Honors (Cumlau de)

    3.7� 3.8 GPA merits graduation with High Honors (Magna Cumlau de)

     

    3.9�4.0 GPA merits graduation with Highest Honors (Summa Cumlau de)

     

    Yaw Shada Lam Ni Hte Pandung Ni

    Yaw Shada ai lam ni (objectives)

     Karai Kasang a hkye hkrang la ai Mungga hpe Myen mung, Asia hte Mungkan ting shachyam shabra lu ai magam gun ni hpe shalat na.

     Chyum hpaji hta ningtawn kung kyang ai Hkristan ningbaw ningla ni hpe shalat na.

     Jinghpaw Wunpawng Hkalup Hpung Ginjaw a makam hkridun hta npawt shatai let hkum dingnum bawngring ai Hkristan asak hkrung lam hpe sharin achyin, shangang shakang ya na.

     Tinang a Buga ginra hte shinggyim wuhpung wuhpawng kata e prat hta hkan nna ra kadawn ai sasana magam amu ni hpe kangka sadi dung let apnawng woi awn dawjau ai Ningbaw Ningla ni hpe shalat na.

     Jinghpaw Wunpawng Hkalup Hpung Ginjaw a makam hkridun hte Karai Masa hpe hkan sa kyem mazing na.

     

     

    Pandung ni (Goals)

     Karai Mungga hpaji ni hpe npawt nhpang kaw nna tsang hte tsang madang tsaw ai de du hkra jaw ya lu ai Chyum Dakkasu.

     

     Jinghpaw Wunpawng Hkalup Hpung Ginjaw��Kachin Baptist Convention (KBC)�� a makam hkridun hta npawt shatai let hkum dingnum hpaji hte Sasana myit jasat hpe jaw ya lu ai Chyum Dakkasu.

     Jinghpaw Wunpawng myu sha ni a htunghking ningli ni hpe Karai Mungga hta shangang shakang lu ai Chyum Dakkasu.

     Shinggyim wuhpung wuhpawng hpe ap nawng daw jau lu ai Hkristan Ningbaw Ningla hpaji hpe jaw ya lu ai Chyum Dakkasu.

    JINGHPAW WUNPAWNG CHYUM DAKKASU A LABAU KADUN

    Jinghpaw Wunpawng Hkalup Hpung nnan de wa ai aten hta nawku hpung hpe woi awn na ningbaw ningla ni shangai shapraw na ra wa ai. Dai majaw, 1901 ning hta Sarakaba Ola Hanson gaw Chyum jawng n nga timung Jinghpaw hte Kayin sara ni a matu Chyum ga kadun sharin nna tara hkaw hpaji ni hpe Myitkyina, Manmaw, Nan Hkam hkan e sharin lai wa sai. 1923 ning hta gaw Chyum jawng kaji ngu nna shawng hpaw chyam yu ai. Dai jawng hta Manmaw na marai 2 hte Namhkam na marai mi sa lung lai wa sai. Sarakaba Sword mung Namhkam e Chyum jawng kaji langai mi hpaw lai wa ai hte dai jawng hta jawngma marai 4 sa du sharin lai wa sai. Ndai ni gaw dai aten e hkyak hkyak ra kadawn ai majaw, hpaw ai jawng ni rai nga ai.

    1930 ning October shata gaw Chyum jawng a labau hta lak lai ai shani rai nga ai. Hpa majaw nga yang Myen mung Hkalup Hpung Mung Zuphpawng hpe Yangon mare Cushing High School jawng wang e galaw ma ai. Dai kaw Myitkyina hku nna dat kasa hpaji du Sara Robin, Manmaw de na Pangmu Duwa Sara Lahpai Zau Tu, Sam mung de na Sara Labya De ni rai ma ai. Sara Lahpai Zau Tu gaw, chyum jawng hpaw ya na matu a ja a wa hpyi shawn mu ai. Dai kaw nna Chyum jawng hpaw sa wa na masing hpang wa sai hpe chye lu ai.

    Dingla nna hkring sa mat sai Sarakaba George J. Geis hpe bai shaga shatsam ma ai. Dai hte maren Sarakaba Geis yan Ma Ma mung 1931 ning hta Manmaw de du lung wa sai. Shawng ningnan Manmaw kaw Chyum jawng shara lata ma ai. Sarakaba Geis hte Sara Zau Tu lata tawn ai shara gaw Sinlum Pangmu makau na Hpunggan kawng re ai lam chye lu ai. Rai tim, dai shara hpe n shagrin la lu ai. Jahtum e 1932 ning June praw 1 ya shanin Manmaw mare sasana jawng wang na Sarakaba Geis a nta hta Chyum laika sharin jawng wang na Sarakaba Geis a nta hta Chyum laika sharin jawng hpaw hpang lu masai. Dai shaloi Jawngma 9 shawng sa du sharin hpang ma ai. Dai ni gaw: Manmaw na marai 3, Sam mung na marai 4, Myitkyina na marai 2 rai ma ai.

    1. Lahkawng Ning Pang (1934-1959)

    1934 ning April shata 15 ya hta lahta Sam Mung, Kutkai mare kaw bai matut hpaw nna lahkawng ning sharin ai pang hpe hpaw tawn lu sai. 1934-1959 ning du hkra lahkawng ning pang du hkra sharin ai hpe chye lu ai. Ndai pang hta gaw kabu gara shiga sakse hkam ai lai ladat hte tara hkaw hpaji ni hpe madung tawn nna sharin ya ai re. Sasana majen je ai grau nna gaw, nat hkyawt aten rai nga ai. Dai majaw, asak hkrung lam hte seng nna wenyi lam hta sha n ga hkum hkrang asak hkrung lam rai nga ai kan bau bungli ni hpe mung kalang lata sharin ya ai ten rai nga ai. Dai aten hta sharin ai subjects ni gaw: Ga Shaka Dingsa, Ga Shaka Ningnan, Hpung a ahtik labau, Tara hkaw hpaji, kabu gara shiga sakse hkam ai lai ladat, hkai sun hpaji, jawng sara tai hpaji, tsi mawan hpaji, hte ta hpaji, rai chywi rai rep hpaji ni ra nga ai. 1942 ning March shata du hkra sha jawng hpaw lu ai. Japan prat du wa ai majaw jawng hpe masum ning pat kau ra sai. 1946 ning Apri. shata hta jawngma marai 9 hte jawng bai hpaw lu sai. 1950 ning kaw nna gaw tsang 7 awng sai ni hpe Chyum jawng hkap la ai madang du hkra sharawt lu sai.

    2. Masum Ning Pang (1960-1973)

    1960 ning hta gaw, 3 ning sharain ai pang hpe bai sharin sai. 1966 ning hta Chyum jawng hpe Myikyina Ginwang Nawng Nang e htawt la nna matut sharin sa wa sai. Ndai pang hta gaw hpung shte seng ai myit jasat lam ni, chyum masa hpaji ni, Hpung labau ni hpe grau n gun dat nna sharin sa wa sai.

    3.� Mali Ning Pang (1974-1998)

    1974 ning hta gaw, 4 ning diploma madang hpe sharawt lu saga ai. Layman course hpe mung 1976-1977 ning kaw nna hpaw hpang lai wa sai. 1983 - 1984 ning hta Layman course hpe jahkring kau sai. 1986 ning kaw nna gaw, L.Th madang hpe lu hpaw hpang lai wa saga ai. 1990 June shata praw 20 ya shani Hkawlik madang hpaw na matu ahkang lu sai re. Dai majaw dai shaning kaw nna gaw, B.Th hpaji hpe sharin lu saga ai.

    Ndai madang du hkra du lu ai gaw, 1977 ning Jaw Masat Poi kaba ngut ai kaw na du na 15 ning hta Hkawlik hpaw lu wa na masing jahkrat myit sharawt shajin lai wa let 1983 ning hta galaw lai wa sai Chyum jawng 50 ning Jubili kaba hta Chyum Hkawlik madang sharawt sa wa na lam hta grau n-gun dat hkrang shapraw daw dan sa wa ai majaw, rai nga ai.

    1994 ning hta gaw yawng a shawng na Jinghpaw Wunpawng Chyum Hkawlik kaw nna shagrau ai B.Th janmau jaw ai jawng yu poi kaba hpe Dap Kawng Buga Hkalup Hpung hta galaw lu saga ai. Jawngma marai 7 jawng yu lu sai. 1996-1997 ning kaw nna gaw M.Div pre-class marai 3 lung la hpang nna 1997-1998 jawng lung shaning hta e M.Div course sharin hpang sai. 1998 ning kaw nna gaw Kutkai Chyum Jawng mung Chyum Hkawlik a jawng lakying tai wa sai. Ndai Kutkai Chyum Hkawlik kaw gaw, Layman Course, Diploma hte L.Th Jinghpaw hku hpaw hpang lu sai.

    4. L.Th Hpaw lu ai labau

    Chyum jawng hpe Asha dan sin praw dingda ginra Chyum hpaji hpung (ATESEA) de matut lu nna, 1982 ning September kaw nna anhte Jinghpaw Wunpawng Chyum Jawng gaw (ATESEA) a hpung shang malawm tai wa sai.
    1984 ning hta Yangon kaw ATESEA accreditation komiti (Chyum jawng masat shagrin komiti) salang ni du ai majaw, Chyum jawng a malai jawng up Rev. Lahtaw Gum Se hte Sara Ja Gun ya sa hkrum ma ai. Accreditation komiti kaw lawm ai ni gaw, Dr. Grover Tyner, Dr. Velantino Sitway, Dr. Ching Feng Hse ni rai ma ai. Ndai Chyum jawng masat shagrin komiti ni hte hkrum shaga ai report hte maren, Jinghpaw Wunpawng Chyum jawng gaw lawan ai hku L.Th hte B.Th course ni hpe hpaw hpang lu sai nga ai majaw ndai bungli hpe galaw hpang wa na komiti lawu de na hte maren hpaw da lu sai.
    1. Rev. L. Gum Se
    2. Sarakaba Sumlut Naw
    3. Rev. Isak (KBC Amu Madu)
    4. Rev. Saboi Jum
    5. Sara Gun Jawng nin rai ma ai.
    Dai majaw 1986 ning kaw nna L.Th program hpe hpaw hpang lai wa lu saga ai.

    5. B.Th Hpaw Hpang ai Lam
    1988 ning jawng hpaw ai aten kaw nna B.Th pre-class hpang wa saga ngu, S.C 87/83 hte maren dawdan let hpaw hpang wa lu saga ai. B.Th course hpe ATESEA kaw nna (accreditation) masat ya ai lam garai n galaw ai majaw, Insein Inglik Chyum Jawng (MIT) hte matut mahkai (affiliate) let B.Th course hpe hpaw hpang lu saga ai.

    6. M.Div hte kaga Sharin Lamang ni Hpaw Jat ai lam
    ATESEA accreditation hpung ni n gun jaw ai hte maren M.Div course hpe 1996-1997 jawng lung shaning kaw nna jaw hpang wa sai. 2000 ning hta ATESEA kaw nna masat masa jaw ai lam hpe hkam la lu sai. Tsa ban 21 de du shang wa ai hte rau KTC kaw nna Diploma hte L.Th hpe awng la lu wa sai jawngma dingsa ni a hpe mit dum let shanhte a matu lak san program B.Min hpe 2003-2004 jawng lung shaning kaw nna hpaw jat lu saga ai. Dai hte maren 2011 jawng lung shaning kaw nna shaning na na la ding da lai wa sai M.A.C.S hte M.Min sharin lamang ni hpe hpaw jat wa na jin jin rai nga sai.
    KTCS a labau hta tsawra hkungga ging ai Jawng Up sara kaba masum nga lai wa ai hpe mu lu nga ai. Dai ni gaw, Rev. Lahpai Zau Yaw (1946-1965); Rev. Dr. Lahtaw Gum Se (1966-1993) hte Rev. Dr. Saga Hkyen Naw (1993-2010) ni rai nga ai. 2010-2011 jawng lung shaning kaw nna gaw, KTCS hta jawng up ningnan hpe bai mu lu saga ai. Dai gaw, Dr. Nalaw Dai Hkawng rai nna shi hpe 36 lang na Hpung shawa zuphpawng hta yawng jawm myit hkrum let lata san dat ai lam rai nga ai. Tsa Ban 21 hta KTC a Chyum hpaji grau nna bawng ring galu kaba jat wa na matut Jawng up ningnan kaw nna woi awn sa wa ai lam hta yawng jawm n gun jaw madi shadaw lawm ra nga saga ai rai nga ai.

    7. BATS Program Hpaw Hpang ai Lam
    Bachelor of Arts in Theological Studies (BATS) ngu ai degree program hpe English hpaji hte Music hpaji hpe madung da nna 2013-2014 jawng lung shaning kaw nna hpaw hpang wa sai. Matut Computer hpaji hte seng ai degree hpe mung hpaw hpang wa lu na matu masing gran nga ai.

    Keep Up & Join Our Newsletter

    Copyright © 2020 KTCS Education. All Rights Reserved.